Nakahibalo kita nga ang tawo nagatrabaho para maka-kwarta apang baliskad naman ini sa isa ka kompanya sa China kun sa diin ang mga wala trabaho nagabayad sa isa ka kompanya agud makapakuno-kuno nga nagatrabaho sila.
May mga kompanya sa China nga naga-offer nga ipa-experience ang ginatawag nga working environments
Kumpleto ang opisina sa mga lamesa, lunch facilities, kag may free Wi-Fi pa.
Iban nagapahunay-hunay lang sa trabaho samtang ang iban naman nga luyag mag-eksperyensya sang realidad, ang nagabayad sang dugang agud hatagan sila sang mga ulobrahon kag kun kaisa naga-akto pa bilang manager sang kompanya.
May mga empleyado nga nagahambal nga yara sila didto bangod unique ini, samtang may nagahambal man nga may yara sila sang matiniran magluwas sa ila balay kag may iban man nga nagalaum nga makakuha sang experience agud makabulig sa ila pagpangita sang trabaho.
