Isa ka lapsag ang nasapwan matapos ginbilin sa Barangay Zone 8, Talisay City, Negros Occidental subong nga gab-i
Sa interview sang Bombo Radyo Bacolod kay Marichu Clavecillas, ang lapsag ang naputos sa bayo kag ginsulod sa karton nga gintuntong sa depasahe nga jeep nga nagabiyahe sang Talisay City.
Suno kay Clavecillas, natalupangdan sang iya abyan ang lapsag matapos nga ini ang naghibi gani gintawag siya sini.
Ginbuksan niya ini kag gindala sa Punong Barangay kag gintawgan sang ambulansya kag ginhingaw dala sa Talisay City Health.
Ginaatipan na sa karun sang doctor ang lapsag kun sa diin napaislan na kag nautod naman ang pusod sini.
Mahimo nga ang lapsag ang ginbun-ag pasado alas 7:00 ang takna subong nga gab-i.
Wala man sang CCTV sa lugar kag sa karun ginahibalo pa kun sin-o ang nagbilin sang nasambit nga lapsag.
