Ginmando ni US President Donald Trump ang pagban sang mga citizens sang 12 ka mga pungsod sa pagsulod sa Estados Unidos, isa ka tikang sang Presidente agud maprotektahan ang pungsod nagikan sa “foreign terrorists.”
Ang mga pungsod nga apektado sang latest travel ban amu ang Afghanistan, Myanmar, Chad, Republic of the Congo, Equatorial Guinea, Eritrea, Haiti, Iran, Libya, Somalia, Sudan kag Yemen.
Ang pagsulod sang mga pumuluyo nagikan sa pito ka iban pa nga mga pungsod nga ginalakipan sang Burundi, Cuba, Laos, Sierra Leone, Togo, Turkmenistan kag Venezuela ng mangin partially restricted.
Ang travel bvan ang nagaporma sang kabahin sang polisa ni Trump nga i-restrict ang immigration sa Estados Unidos kag daw kaangay nga tikang sa iya una nga termino sang iya gindumilian ang mga travelers nagikan sa pito ka mga Muslim-majority nations.
Nagpabutyag naman sang pagkadismaya kag kakibot ang mga opisyales kag residente sang nasambit nga mga pungsod.
