Madamo nga netizens ang nagdayaw sa isa ka lalaki matapos nga naglapta sa social media ang pagdalagan sini sang 30 ka kilometros apisar nga may ginasuprer nga balatian.
Si Raphael Carredo ang na-diagnose nga may stage 5 chronic kidney disease apang nalab-ot ang 30-kilometer finish line sa EastWest Dream Run sa Cebu.
Suno kay Carredo, wala ini nagdalagan para sa medal ukon record apang agud mahulag ang iya nga lawas.
Pahayag niya nga nagapaidalom ini sa dialysis tatlo ka beses sa isa ka semana kon sa diin ang kada session ang nagalawig sang tubtob apat ka oras.
Pagpatpat ni Carredo nga sang nahibaluan niya kag sang iya asawa ang iya kondisyon, nangin mas mabinantayon siya sang iya ginakaon kag routine bangud man gusto niya nga maglawig pa ang iya kabuhi kag mapadako ang iya tatlo ka kabataan.
Sa karon, plano naman sini nga magpasakop sa iban pa nga running event kalakip na ang marathon.
