Arestado ang 34 anyos nga tricycle driver sa drug buybust operation nga ginpatigayon sa Purok Starapple 2, Barangay 27, Bacolod City alas-10:49 kagab-i.
Ang subject ang ginkilala nga si Ibrahim Maquiran alyas Toto, 34 anyos, kasado, tricycle driver kag residente sang Gonzaga Extension, Barangay Taculing, Bacolod City.
Narecover gikan sa suspect ang apat ka sachet sang suspected shabu nga ginabanta nagabug-at sang 12 gramos kag may street prevailing price nga P81,600.
Si Maquiran ang ginakabig nga street level individual kag wala pa nalakip sa listahan sang Barangay Anti-Drug Abuse Council (BADAC).
Sa karun, ang suspect ang nakahunong na sa Bacolod Police Station 4 kag natalana mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
