NEWS UPDATE:
Napasakaan na sang kaso ang isa ka iloy nga liwat nga nadakpan sa buy-bust operation nga ginpatigayon sa Prk. Tar Apple 2, Brgy. 27, Bacolod City sang Hunyo 15, 2026 sang hapon.
Ginkilala ang nadakpan amo si Mary Rose Guillero alias Sapsap, 52 anyos, babayi, kasado, wala sang trabaho kag residente sang Purok Star Apple 2, Brgy. 27, Bacolod City.
Sa interview sang Bombo Radyo Bacolod kay Police Lt Col. Albert Sy, pinuno sang Bacolod City Drugs Enforcement Unit, ang subject person ang ang nakagwa sa Bureau of Jail Management and Penology (BJMP) sang Hunyo 1 matapos nga ginpaidalom sa probation apang liwat naman nga nadakpan matapos nga nakuhaan sang masobra P1.4 million nga balor sang suspected shabu rason nga ginakabig ini nga high-value individual (HVI).
Suno kay Sy, ang ginakuhaan ni Guillero sang supply sang illegal nga druga ang bata sini mismo bangud nangin family business na ang illegal nga buluhaton.
Nagapangatubang na ini sang kaso nga paglapas sa section 5 kag section 11 sang RA 9165 ukon Comprehensive Dangerous Drugs Act of 2002.
Nagpanugyan si Sy nga likawan ang pag-enggage sa illegal nga druga kag mangin maayo nga ehemplo sa sosyodad.
**************************************
Masobra P1.4 million nga balor sang suspected shabu ang narecover sa isa ka drug buybust operation nga nagresulta sa pagkaaresto sang isa ka high-value individual (HVI) sang Hunyo 15 sa Purok Star Apple 2, Barangay 27, Bacolod City.
Ginkilala ang subject person nga si Mary Rose Guillero alyas “Sapsap,” 52-anyos, kasado, kag residente sa nasambit nga lugar.
Nakumpiskar ang 210 grams nga suspected shabu kalakip ang buybust item, anum ka heat-sealed nga pakete sang ilegal nga droga, nga may kabug-usan balor nga P1,428,000.
Yara sa karon ang subject person sa Bacolod Police Station 4 para sa dokumentasyon samtang ginapaidalom sa laboratory examination ang mga nakuha nga ebidensya.
