Ginpahayag sang Land Transportation Franchising and Regulatory Board nga indi gilayon mapatuman ang pagpasaka sang plete sa mga jeepney kag bus.
Suno sa LTFRB, on hold pa ang fare adjustments samtang nakapending pa ang resulta sang padayon nga pagtuon sang National Economic and Development Authority kun ano ang mangin impact sini sa ekonomiya.
Suno kay LTFRB Chairperson Atty. Teofilo Guadiz III, iya ginaklaro nga sa karun wala pa sang may naaprubahan nga fare increase.
Suno sa ahenysa, iga-review pa ang possible approval nga P1 provisional fare hike para sa traditional kag modern jeepneys sa una nga semana sang Hulyo.
Apang suno kay Guadiz, dapat nga ibalanse sang LTFRB ang interest sang PUV operators kag sang mga commuters.
Dugang pa sini ang fare adjustments nagakinahanglan sang madalum nga pagtuon ilabi na sa pagkonsiderar sa kondisyon sa ekonomiya sang pungsod.
Sa karun, nagapanawagan ang transport groups para sa dugang nga saka sa plete bangod sa ginalauman nga big fuel price hike sa masunod nga semana.
