Patay ang isa ka call center agent nga sakay sa iya nga motorsiklo matapos maaksidente sa bahin sang Purok Roadside, Barangay Tangub, Bacolod City kahapon sang kaagahon.
Ang biktima ang naga-edad 24-anyos, kag residente sang Barangay Taloc, Bago City.
Ginpahayag ni Bacolod City Police Office – Traffic Management Unit Head Police Executive Master Sergeant Rodney Tiana, papauli ang biktima kag mahimo nga napiyungan ini kag nasagaid sang ginamaneho nga motorsiklo ang center island gani nga natumba ini kag nalampos ang ulo sa semento nga bahin sang traffic signage.
Suno kay Tiana, nakaagom sang pilas sa ulo ang biktima bangud indi standard nga helmet ang gingamit.
Ang biktima ang gintsekyar man sang nagresponde nga rescuer apang nakita nga ini ang wala na sang kabuhi.
