Preparado na ang Bacolod City Government sa patigayunon nga mass oathtaking kag inagurasyon sang elected Bacolod City Officials karun sa hapon sa Bacolod City Government Center Grounds.
Sa interview sang Bombo Radyo Bacolod kay Secretary to the Mayor Atty. Marty Go, may yara sang natalana nga oathtaking kag inaguration sanday Bacolod City Lone District Representative Elect kag outgoing Bacolod City Mayor Alfredo “Albee” Benitez, outgoing Bacolod City Lone District Representative kag Bacolod City Mayor Elect Greg Gasataya kaupod si Vice Mayor Elect Kalaw Puentevella kag ang mga konsehal.
Suno kay Go, si Bacolod City Mayor Elect Gasataya ang magatake-oath sang temprano pa kaupod ang mga Bacolod City Elected Councilors.
Ang maadminister sang oath ni Bacolod City Lone District Representative Elect Albee Benitez amo si longest serving Punong Barangay Madeline Diaz sang Barangay 18, Bacolod City, si Vice Mayor Elect Puentevella ang may ginkuha man nga mag-administer sang oath sini samtang ang mga konsehal ang magapanumpa sa isa ka RTC Judge.
Panugyan man sini sa mga imbetado nga mga bisita nga magpadulong sa event antes ang alas 4:00 ang takna sang hapon bangud on time magasugod ang event.
Imbetado sa event ang gobernador, bise gobernador kag pila ka mga kongresista.
Samtang sanday Negros Occidental Governor Eugenio Jose “Bong” Lacson kag Negros Occident Vice Governor Elect Jose Benito Alonso kag Members of the Sangguniang Panlalawigan ang magapatigayon man sang inauguration sa Provincial Capitol Grounds.
Ang dinapit nga bisita amo si Senator Elect Kiko Pangilinan kaupod ang tiayon sini nga si Sharon Cuneta.
