Ginpatigayon man kahapon ang oath taking kag inauguration nanday Bacolod City Mayor Greg Gasataya, Bacolod City Lone District Representative Alfredo “Albee” Benitez, Vice Mayor Claudio Jesus “Kalaw” Puentevilla kag mga konsehal sang ciudad sang Bacolod.
Suno kay Bacolod City Mayor Greg Gasataya, dako ang iya pagpasalamat sa tanan nga nagsuport sa iya kag nagtinir sa paglantaw sa inagurasyon sang mga opisyales sang ciudad apisar sa mainulanon nga panahon.
Suno diri, madamo man sang kabudlayan sa ciudad apang handa ini nga magbulig sa mga pumuluyo.
Nagpasalig man si Gastaya nga indi siya madula sa pagtrabaho niya.
Madamo naman sang nagpalab-ot sang pagpasalamat kay Gasataya sa tanan sini nga bulig halin sa medical assistance, educational assistance kag iban pa.
Si Gasataya ang ika-44 nga alkalde sang ciudad sang Bacolod kun sa diin si Department of the Interior and Local Government (DILG) Secretary Jonvic Remulla ang nag-administer sang oath niya.
Si Gasataya ang anay-anchorman sang Bombo Radyo Bacolod kasubong man si Councilor Homer Bais.
Nagtake-oath man si Bacolod City Lone District Representative Elect Alfredo “Albee” Benitez kun sa diin si Punong Barangay Madeline Diaz sang Barangay 18 ang nag-administer sang iya oath.
