-- ADVERTISEMENT --
Target sang Department of Agriculture (DA) nga magpurchase sang stock sang mais bilang alternatibo sa bugas sa tuig 2026.
Suno kay Agriculture Secretary Francisco Tiu Laurel Jr., madamo pa sang area sa Pilipinas nga nagakaon sang corn grits kag lantawon sini kun mapanubo ang demand sang bugas.
Suno kay Laurel ang budget para diri nalakip sa 2026 General Appropriations Act (GAA) kag nagalaum ini nga mahatagan sila sang bisan gamay lang anay nga budget agud maumpisahan na ang proseso.
Suno pa sa DA, ang mabakal nga mais ang igabutang sa 134 ka newly refurbished National Food Authority (NFA) warehouses nga ginbutangan man sang stocks sang P20-per-kilo nga bugas.
