Ginapreparahan sang Office of the Civil Defense (OCD) ang worst-case scenario nga posible nga matuga sang Bagyo Bising kag Hangin Habagat.
Suno kay OCD Deputy Administrator for Operations, Assistant Secretary Cesar Idio, wala sang lugar ang pagkakampante sang gobyerno sa tion sang kalamidad apisar pa nga indi tuman kakusog ang bagyo.
Suno diri, nagapabilin nga nakabantay ang mga local office sang OCD ilabi na sa Northern Luzon nga amu ang sentro sang bagyo kag pila ka adlaw na nga naga-eksperyensya sang pag-ulan.
Preparado naman ang mga kagamitan sang ahensya para sa gilayon nga deployment in kaso nga kinahanglanon.
Una na nga ginpasaka ang blue alert status sa Operations Center sang National Disaster Risk Reduction and Management Council (NDRRMC) antes nangin bagyo Bising ang low pressure area sa nasidlangan sang Pilipinas.
