Nagsanyog na sa Super Typhoon category ang Bagyo FRANCISCO alas-11:00 kagab-i.
Subong nga Martes, napabilin ang kabaskugon sang Super Typhoon Francisco samtang ini ang mahinay nga nagahulag padulong sa kadagatan sa nasidlangan sang Northern Luzon.
May pila na ka mga lugar nga ginpaidalom sa Tropical Cyclone Wind Signal No 1, nga ginalakipan sang Batanes, northeastern portion sang Cagayan kalakip na ang eastern portion sang Babuyan Islands.
Alas-4:00 kaina sang kaagahon, ang sentro sang super typhoon Francisco ang ulihi nga nasiplatan sa 410 km nasidlangan sang Aparri, Cagayan.
Ini ang may kabaskugon sang hangin nga nagadangat sa 185 km/h kag pagmadlos nga tubtob sa 230 km/h.
Ini ang nagahulag sa west northwestward nga dereksyon sa kadasigon nga 10 km/h.
Lauman naman nga pabaskugon pa sang Bagyo ang Southwest Monsoon ukon Hangin Habagat nga magatuga sang maulanon nga panahon sa Visayas, Mindanao kag Palawan.
Ang Bagyo ang malayo sa landmass sang Pilipinas, samtang ini ang ginalauman nga magahuyang samtang padulong sa north northwestward nga dereksyon antes magliko padulong sa Ryukyu Islands sa Southern Japan bwas, Hunyo 24.
Ginalantaw nga maggwa sa Philippine Area of Responsibility ang Bagyo sa Biyernes sa aga.
