Ginbatak na sang Department of Agriculture (DA) ang importation ban sa domestic kag wild birds kalakip na ang poultry products halin sa Brazil.
Nag-issue si Agriculture Secretary Francisco Tiu Laurel Jr. sang Memorandum Order No. 35 nga nagapahanugot sa pag-import sang poultry products halin sa Latin American nga pungsod humalin sang gin-ban ini sang Mayo 19 bangod sa outbreak sang avian influenza sa South America.
Suno kay Laurel, ginreport sang Brazilian veterinary authorities sa World Organisation for Animal Health (WOAH) nga naresolbar na ang outbreak kag wala na sang bag-o nga kaso nga narekord humalin sang Hunyo 18.
Santo sa guidelines sang WOAH Terrestrial Animal Health Code, gindeklarar sang Agriculture chief nga makabig na nga hilway sa avian influenza ang Brazil.
