Ginakahangaw-an sang UNAIDS ang pagsaka sang HIV sa pungsod kun sa diin santo sa data, nagdangat na sa 543 percent humalin 2010 ang natapikan sang balatian, nga ginakabig pinakamadasig nga bag-o nga HIV cases sa Asia-Pacific.
Samtang, nagnubo naman ang kaso sa iban nga pungsod sa rehiyon.
Masobra 139,000 na ang nahibaluan nga nagakabuhi nga may HIV sa pungsod kag ginalauman nga magadangat pa ini sa 252,000 antes matapos ang 2025 suno sa Department of Health.
Suno kay Health Secretary Teodoro Herbosa, halos 50 porsyento sang bag-o nga kaso ang nagikan sa mga kabataan nga naga-edad 15 anyos tubtob 24.
Suno diri, isa sa mga rason amu ang kakulang sa sex education, kahuy-anan kag religious stigma rason kun ngaa nagasaka ang kaso.
Sa karun nagatinguha ang DOH nga makig-angot sa Department of Education para sa peer counseling kag updated teaching materials.
