Ginpagwa sang Houthi rebels ang video sang ila pag-atake kag pagpalugdang sa Liberia-flagged Bulk Carrier nga Eternity C sa Red Sea sang Lunes, Hulyo 7 nga gintunaan sang kamatayon sang tatlo ka mga persona.
Makit-an sa video ang ginlunsyar nga mga missiles sang Houthis tubtob sa pila ka serye sang pagpalupok sa cargo ship nga nagresulta sa paglugdang sang barko.
Makit-an man ang pila ka armado nga mga kalalakin-an nga nagsakay sa barko kag ginpakita man ang mga halit nga naangkon sang cargo ship.
25 ang unod sang barko nga ginalakipan sang 21 ka mga Filipino seafarers samtang may Russian national naman nga napilasan kag nautdan sang tiil.
Nagapadayon pa sa karun ang pagpangita sa 15 ka mga tripulante nga nareport nga missing kasunod sang nasambit nga pagpang-atake.
