DOJ, ginkumpirmar ang pagkakita sang sako nga may-unod nga tul-an sa Taal Lake, sa panugod sang ila search operations sa missing sabungeros

Ginkumpirmar sang Department of Justice ang pagkadiskubre sang isa ka sako nga naga-unod sang ginaalegar tul-an sang tawo.

Ang nasambit nga sako ang nakit-an kadungan sa pag-umpisa sang pagpangita sang mga otoridad sa bangkay sang mga missing sabungeros sa Taal Lake.

Suno sa DOJ, isa ini ka importante nga panugod sa nagapadayon nga imbestigasyon sang missing sabungeros.

Paathag sang DOJ nga technical site assessment lamang kuntani ang pagahimuon sang Philippine Coast Guard sang makit-an nila ang nasambit nga sako.

Igapaidalum ang nasambit nga mga tul-an sa research agud mahibaluan kun ini ang ginapanag-iyahan sang mga missing sabungeros.