Gilayon nga nagbisita si Bacolod City Mayor Greg Gasataya ang mga evacuees nga biktima sang nagluntad nga pagbaha sang Biyernes.
Sa interview sang Bombo Radyo sa alkalde, sang Biyernes sang gab-i paggwa sini sa opisina, iya ginlibot ang ciudad kag nakita sini na nagasaka na ang tubig sa northern part sang ciudad.
Suno diri, gilayon ini nga nagrequest sang rescue unit para buligan ang mga pumuluyo nga nabahaan samtang gilayon naman siya nga nagpadulong sa evacuation center.
Suno pa diri, narescue kag narespondehan ang mga pumuluyo nga nagpanawag para mangayo sang bulig kag wala man untat ang paghatag sini sang instructions tubtob na sa kaagahon.
Pahayag ni Gasataya, madamo sang factor nga nagaresulta sa madasig nga pagsaka sang tubig kag madugay nga pagsubside sang baha.
Dugang pa sini, bisan ang pinakamoderno nga lugar naga-eksperyensya sang pagbaha bangod indi man ini malikawan kag ang ila ginatun-an sa karun kun paano mapadasig nga mapapanaog ang tubig sa ciudad sang Bacolod.
