Nagdangat na sa indi magnubo 7,509 ka mga pamilya ang na-evacuate pasado alas 8:00 kagab-i suno sa Department of Social Welfare and Development bangud sa makusog nga pag-ulan kag pagbaha sa National Capital Region kag mga kalapit nga probinsya.
Ginabanta nga madugangan pa ini bangud nagaangkon na sang pila pa ka mga pre-emptive evacuation sa iban nga lugar.
Ini sa tunga sang nagapadayon nga pagbubo sang ulan tuga sang habagat kag duha ka low pressure area sa sulod sang Philippine Area of Responsibility.
Suno kay DSWD Sec. Rex Gatchalian, nagpanagtag sang bulig ang ila ahensya para sa mga naapektuhan sang malain nga tiyempo.
Pila naman ka mga local government units ang nagsuspendi sang ila nga klase kahapon.
Ginsuspendi man kahapon ang trabaho sa Senado kag House of Representatives kasubong man sa Korte Suprema kag mga korte sa NCR.
