Lauman ang mixed price adjustments sa presyo sang produktong petrolyo sa masunod nga semana.
Suno kay DOE-Oil Industry Management Bureau Assistant Director Rodela Romero, sa international petroleum trading sang tinalikdan nga apat ka adlaw, lauman ang pagnubo sang presyo sang Gasolina sa P0.10 – P0.30 kada litro samtang may pagsaka naman sa presyo sang Diesel sa P0.40 – P0.60 kada litro kag Kerosene sa P0.20 – P0.40 kada litro.
Suno sa energy official, ang factors nga naga-apekto sa oil price amo ang pagnubo sang crude inventory sang United States kag padayon nga konflikto sa tunga sang Iran kag Israel.
Masami nga gina-anunsyar sang oil companies ang official price adjustments kada Lunes nga ginapatuman pagkasunod nga adlaw.
Samtang, sa mga areas naman nga ginpaidalum sa state of calamity, lauman nga may yara sang 14-day price freeze para sa LPG kag Kerosene products nga nagabug-at indi magsobra sa11 kilograms.
