Nadiskubrehan sang chairperson sang Committee on Environment and Ecology sa Sangguniang Panlungsod nga ang bakante nga duta sa Barangay Felisa, Bacolod City sa bahin sang dumpsite sang ciudad ang ginhimo nga motorpool sang IPM Construction and Development Corporation (IPM CDC).
Sa interview sang Bombo Radyo Bacolod kay Councilor Homer Bais, ini ang iya nga nadiskubrehan sang nagsite visit ini sa dumpsite sa nasambit nga Barangay.
Suno kay Bais, indi lang motorpool kundi nangin junkshop ang lugar kun sa diin nakita nga may yara sang gintambak nga unserviceable nga mga dump trucks.
Ang mga dump trucks ang ginatubuan na sang mga hilamon.
Suno diri, ang Bacolod City Government ang nagabayad sa ila paghakot kag pagmanage gani dapat ang IPM CDC ang magarenta sang lugar kun sa diin ila nga parkingan kag butangan sang mga dump trucks nga wala na nagamit.
Samtang aminado man si Bais nga mas mayo na sa karun ang waste management nga ginhimo sang garbage hauler company kun ipaanggid sanguna.
Ginpahayag man sini nga sa ila nga pag-inspection nakita sang mga ini nga ang basura sa dumpsite ang nagabukid na kag nagakinahanglan na sang isa ka lugar nga mabutangan sang mga basura.
Suno kay Bais nga ang problema ang segregation apang kun mangin operational na ang material recovery facility nga ginapaubra sang ciudad makabulig nga madugay nga mapuno ang sanitary landfill sang ciudad.
