Kun kaisa ang mga tawo ang nagahimo sang mga bagay nga kun panumdumon imposible apang ini ang nagakatabo.
Kaangay lamang sang isa ka report nga isa ka lalaki ang naglangoy sang kapin sang napulo ka oras sa nakatungdan nga baybayon sang Korean Peninsula.
Suno sa mga opisyal ng South Korea, nag-wave ang lalaki kag nagsinggitan sang iya nga intensyon nga magsungka antes ini ginsalbar sang militar sang nasambit nga pungsod.
Ang pagpalagyo nagikan sa North Korea padulong sa South ang talagsa nalang sa nakaligad nga mga tinuig.
Ini bangud sa mas hugot nga seguridad kag mga dugang nga kuta nga ginpahimo ni Kim Jong Un sa border kun sa diin may mando nga tiruhon kun sin-o man ang magatilaw sa pagpalagyo.
Sang nakaligad nga tuig, 236 ka mga North Korea lamang nakaabot sa South Korea kun sa diin isa kadako nga pagnubo nagikan sa masobra 1000 tagsa ka tuig.
Nagagwa man sa datos sang United Nations nga lapnagon ang paglapas sa tawhanon nga kinamatarong sa North Korea kalakip ang public execution, torture, kag forced labor.
Samtang halos katunga man sang populasyon sang nasambit nga pungsod ang malnourished.
