Ginpahayag sang Commission on Elections nga magalunsyar ini sang isa ka imbestigasyon natuhoy sa mga donasyon nga ginhimo sang government contractors sa mga election candidates, matapos gin-ako sang isa ka mamalidha nga nakabaton ini sang campaign funds nagikan sa Presidente sang isa ka construction company.
Madumduman nga gin-ako ni Senate President Francis “Chiz” Escudero nga nagbaton ini sang P30 million nagikan kay Lawrence R. Lubiano, presidente sang Centerways Construction and Development Inc. apang gin-athag nga wala ini sang kaangtanan sa mga anomaliya sa flood control projects.
Suno kay election lawyer Romulo Macalintal, ang pagsolicite kag pagbaton sang campaign donations nagikan sa maskin ano nga entity ukon indibidwal nga may existing government supply ukon service contracts ang ginadumilian.
Nagpaandam si Macalintal nga ang mga indibdiwal nga nagaviolate sang nasambit nga rule ang posible nga magpangatubang sang penalidad nga isa tubtob anum ka tuig nga pagkapriso nga wala sang probation kasubong man disqualification sa pag-uyat sang isa ka public office.
