Para sa Kura Paroko sang Triumph of the Holy Cross Parish Bacolod madamo klase sang addiction pero ang pagkalulong sa sugal ang pinakamabudlay tapnaon.
Sa interview sang Bombo Radyo kay Rev Fr Chris Gonzales, madamo sang pamilya kag pangabuhi ang nagakaguba bango sa sugal.
Suno diri, bisan inugbalon na lang sang bata ukon pagkaon sang pamilya ginataya pa sa sugal.
Apang, aminado man ini nga madugay na gid man ang sugal apang wala sang seryoso nga imbestigasyon diri ilabi na nga involved diri ang mga tawo nga may mataas nga posisyon.
Pahayag ni Gonzales, madamo sang nagakalulong sa sugal bangod sa kalipay nga ila nabatyagan sa tion nga sila magdaog kag kun mapierde, sila nagapangita sang paagi agud liwat nga makabatyag sang kalipay sa sugal.
Mensahe sini, indi dapat pag-ibutang ang paglaum kag pagtuo sa sugal apang ihatag ini tanan sa Ginoo.
