Gina-test sa karun ang pagbutang sang life-size holographic police officers agud mapasanyog ang pagpati sang mga tawo nga safe sila kag malikawan ang pagluntad sang krimen sa South Korea.
Kada gab-i, alas- 7:00 sang gab-i tubtob alas-10: 00 sang gab-i, may uniformed policeman nga may kataason nga 170 cm ang makit-an sa Jung-gu, Seoul, nga nagapahanumdom sa mga residente nga pananglitan may emerhensya, yara ang kapulisan nga magaresponde kag nagapahanumdom man ini nga may yara sang surveillance camera sa area.
Apang indi ini kaangay sa ordinaryo lang nga police officer bangod ini isa ka 3D hologram nga gindisenyo agud magprovide sang psychological stability sa mga pumuluyo kag malikawan ang disorderly behavior.
Suno sa Seoul Metropolitan Police Agency, sa karun nagnubo na ang numero sang krimen nga nagluntad sa area.
Suno pa sa kapulisan, bisan indi man derekta makadakop sang mga kriminal ang ini nga teknolohiya, ini nagahatag naman sang sense of security sa mga tawo.
