Ginpahayag sang Commission on Elections nga apat ka mga contractors ang nakit-an nga nakacontribute sa election campaign sang pila ka mga Senador sa 2022 elections.
Suno kay Comelec Chairman George Erwin Garcia, ang mga contractors ang gina-imbestigahan agud madeterminar kun may yara sila sang kontrata sa gobyerno.
Suno diri, may nakita nga tatlo ukon apat ka mga contractors nga posible contractors sang public works ukon serbisyo sa gobyerno nga naghatag sang bulig sa mga nagapadalagan sa national position.
Apang subject pa for verification kun sila ang may kontrata sa gobyerno.
Dugang pa sini nga indi pa gilayon nga magaconclude ang Comelec diri.
Kinahanglan nga ikumpirmar nila sang maayo kag kun sila man ang public works contractor ukon service contractor.
