Ginsunog sang isa ka lalaki ang isa ka cafe sa Spain matapos wala ginhatagan sang mayonnnaise.
Santo sa report, ang lalaki nagpadulong sa restaurant kaupod ang iya bata kag nag-order sang duha ka sandwich.
Nakit-an sa surveillance camera nga nagtindog ini kag nag-esturya sa waiter.
Nangayo sang mayonnaise ang lalaki para sa iya sandwich apang ginhambalan ini nga naubos na ang mayonnaise.
Liwat nga namangkot ang lalaki sa isa pa gid ka waiter apang amo man ang sabat nga ginhatag sa iya.
Naggwa ang lalaki sa cafe kag nagpadulong sa pinakamalapit nga gas station kag nagbalik nga may bitbit nga botilya nga may unod nga gasolina.
Ginpamangkot liwat sang lalaki ang staff sang cafe kun may yara sila sang paborito niya nga sauce apang negatibo sa gihapon ang sabat sa iya.
Gilayon niya nga ginbubo ang 1.5 litros sang gasolina kag ginsunog ang bar.
Nagdinalagan ang mga tawo sa sulod sang cafe sang nag-ibwal ang kalayo.
Gilayon naman nga naggamit sang fire extinguishers ang staff para mapalong ang kalayo.
Bangod sa kinagamo sa sulod sang cafe, aksidente nga nasunog sang lalaki ang iya nawala nga kamot kag natigayon nga madakpan sang kapulisan.
