Nagsuprer sang paralysis ang 19 anyos nga bata nga lalaki sa China bangod sa madugay nga pagduko sang ulo.
Kaangay sa iban nga pamatan-on, si Xiao Dong nga third year student, inoras kun mag-usar sang iya cellphone apang ang konsekwensya sang iya adlaw-adlaw nga gawi nangin life-threatening.
Matapos makakuha sang summer job sa paghugas sang pinggan kag paglimpyo sang mga lamisa kag nagaduko sang pila ka oras nagresulta sa tuman nga pressure sa blood vessels malapit sa iya spine dugang pa nga kun may ligwa ini, masami siya nga nagahampang sang video games kag nagascroll sa social media.
Una nakabatyag ini sang numbness sa liog, kamot kag tiil apang isa ka adlaw pagbugtaw sini wala na gid siya may mabatyagan sa iya mga tiil kag indi na makagiyo.
Suno sa mga doktor, may dako nga blood clot sa cervical spine ni Xiao amo nga paralyzed ang iya lawas kag ini bangod sa madugay nga pagduko.
Ginpaidalum sa emergency surgery si Xiao kag sa karun nagarekober pa.
Suno sa medical experts, ang pagduko sang ulo sa madugay nga oras nagapa-untat sa blood circulation nga nagaresulta sa pagsakit sang ulo, dizziness, fatigue kag numbness sa abaga, liog, kag kamot.
Sa mas extreme nga kaso, ang chronic congestion maka-apekto sa structure sang blood vessels kag central nervous system.
