Patay ang 52 anyos nga contractor matapos ginuthang sa Bonifacio St, Brgy 12, Bacolod City kaina alas-7:30 sang aga.
Ang biktima ang ginkilala nga si Romy Li, nagapanag-iya sang Emerald Republic Hardware kag residente sang City Heights Subdivision, Brgy Taculing, Bacolod City.
Suno sa mga empleyado ni Li, kaina sang aga nanaog si Li sa iya salakyan sang may nagpalapit nga lalaki nga naka t-shirt, short kag may facemask.
May duha ka lupok nga nabatian kag gilayon lang natumba si Li samtang ang suspek naman dali-dali nga nagpalagyo.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, ang biktima ginluthang sa likod sang iya ulo kag ginalantaw nga rason diri posible may kaangtanan sa negosyo sini.
Suno diri, nangayo pa ini sang CCTV footage agud makita kun ano nga salakyan ang gingamit sang suspek.
Sa karun padayon pa ang imbestigasyon sa likod sa pagpatay sa 52 anyos nga contractor.
