Driver, napilpilan sang natumba nga water tanker sa banwa sang Salvador Benedicto kahapon

Natumba ang water tanker sa bahin sang Talos, Barangay Igmayaan, Salvador Benedicto, Negros Occidental, kahapon sang hapon.

Sa interview sang Bombo Radyo Bacolod kay Police Major Ryan Villasario, hepe sang Don Salvador Benedicto Municipal Police Station, ginkumpirmar sini nga naipit ang driver sang tanker truck nga ginrescue man gilayon sang mga otoridad.

Suno kay Villasario, conscious paman ang driver sang ini ang ginasalbar.

Nagpangayo man ang mga otoridad sang bulig sa mga rescuer gikan sa ciudad sang Bacolod agud nga mag-augment sa rescue operation.