Indi interesado nga magpasaka sang kaso ang asawa sang biktima nga gintiro-patay sa Sitio Lumbia, Brgy Camansi, Kabankalan City, Negros Occidental sang Biyernes, Oktubre 3 bangud sa kakulba.
Ginkilala ang biktima kay Danny Francisco, kasado, residente sa lugar, nga chairman sang grupo sang Argrarian Reform Beneficiaries sa ila nga lugar.
May tatlo naman ka wala makilal-an nga persona nga ginatudlo nga suspetsado sa krimen.
Sa interview sang Bombo Radyo Bacolod kay Police Lt Col. Roberto Indiape, hepe sang Kabankalan City Police Station, naestorya na sini ang asawa sang biktima apang nagpahayag nga indi ini magpasaka sang kaso batok sa mga suspetsado.
Suno kay Indiape, gindugang man sang pamilya ni Francisco nga indi naman nila madumduman ang itsura sang mga suspects.
Suno sa hepe nga aminado ang pamilya nga anay ini katapo sang makawala nga grupo ang biktima nga nagsungka na sa tropa sang gobyerno.
Wala man ini sang record nga nakaagi priso.
Ginbasol man sang pamilya ang NPA bangud apisar sa ideolohiya sang mga ini nga demokrasya ginpatay sa gihapon ang ila nga himata.
May yara naman ang Kabankalan City Police Station sang ginaverify nga posible may kahimuan sang krimen.
Panugyan sini sa pamilya nga magpakabakod kag mas maayo kun magpasaka sila sang kaso batok sa mga suspetsado.
