LGU sang ciudad sang Bacolod naghatag sang P3 million nga financial assistance sa mga biktima sang linog sa Cebu

Naghatag sang P3 million nga financial assistance ang Local Government Unit sang ciudad sang Bacolod para sa mga biktima sang linog sa Cebu.

Suno kay Bacolod City Mayor Greg Gasataya, una na nga ginpropose nga P2 million ang ihatag, apang ginkasugtan nga P3 million na lang ang ihatag agud mabuligan man ang iban nga mga banwa nga naapektohan man magluwas sa Bogo City nga amo ang tuman nga naapektohan sang linog.

Ang paghatag sang financial assistance ginpaagi sa Memorandum of Agreement agud madokumento ang pagpagwa sang budget kag wala sang malapas nga bayolasyon sa paggamit sang pondo.