Nakameeting na ang public officials sa ciudad sang Bacolod kag si Department of Public Works and Highways (DPWH) Undersecretary Charles Calima.
Suno kay Bacolod City Lone District Representative Alfredo Benitez nga nakameeting na sila kag naestoryahan ang may kaangtanan sa flood control kag nagdihon sang duha ka mga solusyon ini ang ginalakipan sang short kag long term.
Kahapon sang aga nagmeeting kaupod ang DPWH personnel gikan sa central office para sa short term solution kag kahapon sang hapon ang long term solution sa mga pagbaha sa ciudad.
Suno kay Benitez, ang tinutuyo sini nga masolusyunan na ang pagbaha sa ciudad.
Suno diri, dapat tanan ang magbinuligay agud nga masolusyunan ang pagbaha.
Ginpahayag sang kongresista nga may yara na sang ginapatuman nga short term solution sa National Capital Region kag ini ang gina-adoptar lang sa ciudad sang Bacolod.
Ang ciudad ang ikaduha nga area nga patigayunan sang short term solution sang DPWH sa pagbaha.
Ang duha ka short term solutions ang ginalakipan sang dredging sang riverways kag declogging sang mga drainages.
