Nagserbe sang subpoena ang National Bureau of Investigation (NBI) batok sa Department of Public Works and Highways (DPWH) Regional Office sa Davao City angot sa imbestigasyon sa gin-alegar maanomaliya nga flood control projects.
Gin-agda ang regional director nga mag-atubang sa NBI sa Huwebes, Setyembre 24, agud maghatag sang impormasyon para sa imbestigasyon sang bureau.
Ginmanduan man ang regional director nga mag-sumiter sang mga dokumento nahanungod sa 51 ka mga flood control projects.
Sang nakaligad nga semana, ginpahayag ni NBI Director Melvin Matibag nga nakabaton ang bureau sang mga dokumento tuhoy sa 50 ka gin-alegar ghost kag substandard flood control projects sa Davao City.
Suno diri, 47 sa 100 ka mga proyekto sa isa ka distrito ang gin-flag, kag anum diri ang may maathag nga problema.
