Ginpahayag ni Senator Panfilo “Ping” Lacson nga ang 2025 national budget ang pinakaulihi nga spending plan nga nagaunod sang ginatawag “Leadership fund.”
Suno kay Lacson, ginpangunahan ini ni former Department of Public Works and Highways (DPWH) Secretary Manuel Bonoan kag sang nagtaliwan nga si former Undersecretary Catalina Cabral.
Suno diri, indi nagakadapat ang ini nga sistema bangud ginahatagan na sang oportunidad ang mga opisyal nga makapili ukon magtalana sang proyekto samtang yara pa lamang sa budget preparation stage.
Dugang pa sini, dapat ang Executive Branch ang magapanguna sa pag-ubra sang proposed budget.
Sa baylo, dapat nagapakig-angot ang mga opisyal sa ila local development councils agud matumod ang mga kinahanglan sang tagsa nila ka mga distrito, nga mangin kabahin sang local, provincial kag regional development planning.
Ginkumpara naman ni Lacson ang leadership fund sa pork barrel system nga gindeklarar nga unconstitutional sang Supreme Court sang 2013.
