Tatlo ka mga programa sang Bombo Radyo Philippines ang nagdaog sang major awards 47th Catholic Mass Media Awards samtang isa naman ang nakakuha sang special citation sa ginpatigayon nga announcement of winners kagab-i.
Ini ang ginalakipan sang Bombo Network News para sa Best News Program category.
Isa ini ka back-to-back recognition matapos nakuha man sang amo nga programa ang nasambit man nga pasidungog sang nagligad nga tuig.
Nakakuha man sang major award ang Bombo Special Report nga ginkilala nga Best Business News; kag ang Pinoy Memories sang Star FM Iloilo nga nagdaog bilang Best Entertainment Program.
Nakabaton man ang Bombo Radyo Philippines sang duha ka special citation para sa Bombo Lifestyle nga Best Public Service Program; kag “Istoryang Pasada: Takbo” sang Star FM Manila bilang Best Counseling Program.
Ini ang nagapakita nga liwat naman nga napamatud-an sang Bombo Radyo Philippines ang ini ang nagapabilin nga nagapangibabaw sa patag sang broadcasting.
Sa subong nga 47th Catholic Mass Media Awards, nag-qualify bilang finalists ang mga programa sang Bombo Radyo Philippines sa siyam tanan ka mga kategorya. Ini sa ka pamatuod sang madinalag-on kag masangkad nga presensya sang network sa balita, public affairs, kag entertainment programming.
Ang iban pa nga programa sang Bombo Radyo nga ginkilala bilang FINALISTS amo ang masunod:
-Bombo News and Views Morning Edition (Bombo Radyo Cebu) – Best News Program
-Bombohanay sa Udto (Bombo Radyo Cebu) – Best News Commentary Program
-Bombo Special Report (Bombo Radyo Philippines) kag The Seven Last Words (Bombo Radyo Cauayan) – Best Educational Program
-It’s All for You in the Morning (Star FM Bacolod)– Best Entertainment Program
-Good Morning Philippines (Bombo Radyo Iloilo), Bombohanay Ed Ugto (Bombo Radyo Dagupan), kag It’s All for You in the Morning (Star FM Dagupan) – Best News Feature
-Sarming Ti Biag (Bombo Radyo Cauayan) – Best Drama Program
Ang Catholic Mass Media Awards ang gin-establisar sang tuig 1978 ni anay Archbishop Jaime Cardinal Sin.
Ang award-giving body ang nagahatag sang pasidungog sa mga indibidwal kag institusyon nga nagagamit sang media sa pagpasanyog sang kamatuoran, pagtib-ong sang dignidad sang tawo, kag pag-inspire sang social responsibility santo sa mga ginatudlo sang Simbahan.
Ginahalad sang Bombo Radyo Philippines ang ini nga mga kadungganan sa tanan nga mga tagpalamati kag tumalan-aw sa Pilipinas kag luwas sang pungsod nga padayon nga nagahatag inspirasyon sa 32 fully digitalized stations nga magdul-ong sang masaligan nga balita, serbisyo publiko, kag mga programa nga nagabulig sa komunidad.
