Ipaidalum sa heightened alert status ang Coast Guard Station Northern Negros Occidental para sa undas 2025.
Sa interview kay Lieutenant Junior Grade Jesa Pauline Villegas, deputy station commander sang Coast Guard Station Northern Negros Occidental, sa Oktubre 30 tubtob Nobyembre 3, sila ang ipaidalum sa heightened alert status kun sa diin may yara sang siyam ka team sa kada station nga may lima tubtob pito ka personnel nga igadeploy.
Suno diri, may yara sang augmentation halin sa Philippine Coast Guard Auxiliary kag Maritime reservist halin sa Iloilo.
Ginalauman ang pagdamo sang pasahero sa Oktubre 29 tubtob sa Nobyembre 3 kag pahanumdom sini amo nga magdala lamang sang lightweight nga bagahe kag indi magdala sang mga ginadumilian kaangay sang mga patalom.
