Flower vendors sa Burgos Public Cemetery, nagalaom nga magadamo ang bumalakal subong nga Nobyembre 1

Nagalaom ang manugbaligya sang bulak sa Burgos Public Cemetery nga magadamo pagid ang magabakal sang bulak subong nga Nobyember 1, 2025.

Sa interview sang Bombo Radyo Bacolod kay Merly Artigosa, sang Oktubre 30 pa ini nagplastar kag wala masyado sang nagbakal sang bulak.

Suno kay Artigosa nagalaom siya nga magadamo ang magabakal subong nga adlaw.

Suno diri sa lima ka tuig niya nga pagbaligya naobserbahan sini nga Nobyember 1 ang madamo nga nagabakal.

Madamo man ang mga ini nga nagabaligya sang bulak kag nagapanawagan ini sa iya nga mga suki nga magbakal na sang ginabaligya sini nga bulak.

Ang presyo sang bulak ang yara sa P100 tubtob P150.

Sa tion nga maubos ang ginabaligya nga bulak magapauli man ini sa banwa sang Murcia.