Madamo sang mga puno sang kahoy nga nagbalabag sa mga dalanon matapos malukat ukon mautod bangod sa tuman nga pugada sang hangin dala sang Bagyo TINO.
Sa pagpadulong sang Bombo News Team sa Northern Negros Occidental, nagsugata sa mga dalanon ang mga puno sang kahoy nga nagkalatumba.
Pila man ka dalan sa Bacolod City ang may nagkalatumba nga puno sang kahoy.
Bangod sa pugada, naubos man palid sang hangin ang mga billboards kag naglulupad ang mga atop sang balay, nga nagresulta agud nga magdulong ang madamo nga motorista bangod sa kahangawa nga maigo sang mga nagalupad nga mga debris.
Amo man sa dalan sa boundary sang Bacolod-Talisay, mga dalanon sa Talisay City, Silay, Sagay, Cadiz, Victorias City kag Manapla.
Madasig man nga naghulag ang mga local government units sa pagpatigayon sang clearing operations.
