Gin-anunsyo sang Department of Budget and Management (DBM) nga igapa-release na nila ang year-end bonus kag cash gift sang mga empleyado sa gobyerno subong nga Nobyembre sa una pa lang nga payroll sang bulan.
Suno sa ahensya, santo sa Budget Circular No. 2024-3, ang mga personnel sa gobyerno kwalipikado nga makabaton sang year-end bonus nga katumbas sang isa ka bulan nga basic pay sang Oktubre 31, kag P5,000 nga cash gift.
Nahibaluan nga subong nga tuig may yara sang P63.69 bilyon budget ang DBM para sa year-end bonus sang mga civilian kag military ukon uniformed personnel samtang P9.24 bilyon naman para sa cash gift nga may yara sang1.85 milyon nga mga empleyado sa gobyerno sa bug-os nga Pilipinas.
Gintuhoy pa sang ahensya nga ang tanan nga pondo para sa bonus kag cash gift gin-release na sa pagsugod pa lang sang fiscal year agud mapadali ang pagproseso kag pag-credit sang benepisyo.
Suno pa sa DBM, kwalipikado nga makabaton sang year-end bonus kag cash gift ang mga empleyado nga nakaserbisyo sang indi manubo sa apat (4) ka bulan.
Ginpahayag man sang ahensya nga ang tanan nga government offices magpatuman sang husto nga pagpagwa sang mga bonus, sunod sa mga nagakaigo nga budget circulars.
