62 percent na ang na-energized sang Negros Electric and Power Corporation (NEPC) sa padayon nga pagtrabaho sa pagpabalik sang kuryente matapos ang paglaslas ni bagyo Tino.
Sa interview sang Bombo Radyo Bacolod kay Engr Leomel Tambanillo, Assistant Vice President for Planning and Business Operation sang Negros Power, alas- 5:00 subong nga aga nagsaka na sa 62 percent ang na-energize nga kuryente.
Suno diri, na-energized na ang Alijis feeders, Burgos feeders, kag Mountain View feeders apang apisar sini, iban mahimo maka-eksperyensya nga wala sa gihapon sang kuryente bangod may mga lateral lines pa nga kalay-ohon.
Suno kay Tambanillo, indi man gilayon nga mahatag ang kuryente bangod ginasiguro anay nga clear na ang tanan nga linya agud malikawan nga may yara sang mahalitan.
Nagpasalig naman ini nga maghulat lamang bangod naka-schedule ang tanan nga pagrepair kag bisan sila mismo luyag naman nila nga mabalik glilayon ang kuryente apang gina-una gid nila ang safety sang mga tawo.
Pahayag ni Tambanillo, ginapa-abot na ang pag-abot sang augmentation halin sa More Power kag Bohol Power agud mas mapadasig ang trabaho.
Liwat naman ini nga nagpangayo sang pag-intindi kag pasensya halin sa mga konsumedor samtang sila nagatinguha sang full re-energization para sa tanan nga sakop sang NEPC.
