Gobyerno, preparado sa pagsulod sang ginalauman nga Super Typhoon UWAN

Nagpasalig ang Malacanang nga preparado ang gobyerno sa pag-abot sang ginalauman nga Super Typhoon Uwan, kadungan sang pagpadayon sang operasyon sang relief kag rehabilitation sa mga lugar nga naapektuhan sang Bagyo Tino.

Suno kay Palace Press Officer Claire Castro, nagpadala na ang gobyerno sang mga first responders sa mga probinsya nga posible maapektuhan sang palaabuton nga bagyo agud masiguro ang madasig nga pagresponde sa tion sang panginahanlanon.

Ginpasiguro man sang gobyerno nga indi nila pagbuy-an ang mga lugar nga tuman nga naapektuhan sang Bagyo Tino, partikular na ang Cebu, tubtob sa makabangon ang mga ini.