Paolo kag Miguel Benjamin sang Ben&Ben, author na sang libro?

Isa na ka author sang libro sanday Paolo kag Miguel Benjamin sang kilala nga banda nga Ben&Ben.

Sa una nga tion, nagpagwa ang kapid sang eBook nga gintig-uluhan nga “The Traveller Across Dimensions,” nga inspired sa ila pinakabag-o nga studio album.

Ang istorya sang The Traveller Across Dimensions naangot kay Liwanag, isa ka babayi nga nagapangita sang inner peace.

Suno kay Paolo, pamaagi niya ini para mapakigbahin ang iya mga balatyagon.

Pahayag niya, nga nareyalisar niya man nga indi niya mapabutyag sang maayo ang mga luyag niya nga i-share sa kalibutan nga mga reyalisasyon kag mga ginapaminsar kaangay sang ginhimo niya sa amo nga libro.

Katuyuan man nanday Paolo kag Miguel nga mangin inspirasyon ang ila ginsulat nga balasahon.