Ginpakigbahin ni Eman Bacosa Pacquiao ang sahi sang iya relasyon sa iya amay nga si boxing legend Manny Pacquiao.
Nahibaluan nga si Emman amo ang anak ni Manny sa iya anay nobya nga si Joanna Bacosa nga nakilala sini samtang nagatarabaho bilang waitress.
Suno kay Emman, bata palang nahangpan na sini ang sitwasyon sang iya ginikanan.
Apisar nga nagdako ini nga layo sa iya amay, ginapabugal sini ang amay nga si Manny Pacquiao.
Nagsugod si Eman mag-practice sang boxing sa edad nga 12 samtang nagapuyo sa Japan upod sa iya iloy kag stepfather nga si Sultan Dino nga nag-suporta sa iya interes sa boxing.
Pagbalik sini sa Pilipinas, nag-reunite sila ni Manny sang 2022 matapos ang napulo ka tuig nga wala nagkita-ay.
Suno pa diri, si Manny mismo ang naghatag sa iya sang apelyido nga Pacquiao agud mapadali ang iya pagsanyog sa boxing.
Subong, nagasuporta si Manny sa iya anak bilang mentor kag inspirasyon.
Madumduman nga nagda-og si Emman sa iya boxing match matapos nga nagpartisipar sa Thrilla in Manila 2 nga gin-organisar sang iya amay nga si Manny agud iselebrar ang 50th anniversary sang boxing bout ni Muhammad Ali kag Joe Frazier sa Pilipanas sang 1975.
