Magahimo sang iya acting debut ang English singer nga si Adele sa upcoming film nga natalana nga ipagwa sa 2026.
Gin-report sang American media outlet nga ang 37 anyos nga singer ang magabida sa “Cry to Heaven,” sa idalom sang direksyon sang American fashion designer kag filmmaker nga si Tom Ford.
Dugang pa ni Adele, i-feature man ang mga actor nga sanday Nicholas Hoult, Aaron Taylor-Johnson, Mark Strong, Colin Firth, Paul Bettany, Owen Cooper kag Thandiwe Newton.
Base sa report, ang 64 anyos nga si Ford ang nagsulat sang screenplay kag maga-produce man sang pelikula pinaagi sa iya production company nga Fade to Black.
Ang “Cry to Heaven” nga may 18th-century Italy setting ang naga-istorya sa duha ka magkatuhay nga collaborators nga amo ang Venetian noble kag maestro castrato nagikan sa Calabria.
Ang duha ang nagatinguha nga mangin madinalag-on sa opera.
Si Adele ang isa sa world’s best-selling music artistes kag kilala sa iya bantog nga mga kanta kaangay sang “Rolling in the Deep” (2010), “Skyfall” (2012) kag “Hello” (2015).
