Ginkwestyon ni Senator Rodante Marcoleta ang transparency sang Independent Commission for Infrastructure (ICI).
Ini ang ginpahayag sang Senador sa pagtambong sini sa 3-day rally for transparency and better democracy sang Iglesia ni Cristo nga ginapatigayon sa Quirino Grandstand.
Suno kay Marcoleta, may kakulangan sa transparency ang ICI bangud wala sini ginapakita sa publiko ang mga ginahimo nga mga proseso.
Partikular na ang indi pagpagwa sang mga kaundan sang affidavit nga ginpasa ni Former House Speaker Martin Romualdez.
Ang ICI ang ginapangunahan ni anay Supreme Court Justice Andres Reyes Jr. kag anay Supreme Court spokesperson Brian Hosaka bilang executive director.
Katuyuan sang komisyon ang pag-promote sang accountability sa paggamit sang pondo sang gobyerno, kag sa karun nagapatigayon sang inspeksyon sa mga proyekto partikular na sa mga flood control projects.
