Ginkumpirmar ni Associate Justice Karl Miranda sang Sandiganbayan Third Division nga sila ang nag-issue na sang arrest warrant batok kay Senator Rodante Marcoleta.
Ini angot sa plunder case nga ginfile sang Office of the Ombudsman sang Biyernes, may kaangtanan sa gina-alegar P75 million nga wala gindeklarar nga campaign donations sa iya Statement of Contributions and Expenditures (SOCE) kag Statement of Assets, Liabilities, and Net Worth (SALN).
Kalakip sa ginpasakaan sang kaso si former Congressman Michael Defensor kag mga negosyante nga sanday Joseph Espiritu at Aristotle Viray, nga nagapangatubang man sa kaso sa paglapas sa Presidential Decree No. 46, nga nagadumili sa mga government officials sa pagbaton sang regalo ukon donasyon may kaangtanan sa ila pwesto.
Ang nagapanguna nga kaso ang ginraffle sa Sandiganbayan Third Division nga ginapamunuan ni Justice Miranda, apang ang mga kaangot sini nga kaso ang ginpasa sa nagkalainlain nga Court division.
Panindugan ni Justice Miranda nga ang pag-issue sang arrest warrant ang pamatuod sang determinasyon sang korte sa pagpatuman sang layi kag paghatag accountability sa mga opisyal nga gina-akusar sang kurapsyon.
Bangod non-bailable offense ang plunder case, ginalauman nga magasugod naman ang madalom nga legal trial.
Hugot naman nga ginpanginawala ni Marcoleta ang alegasyon.
Panindugan sini nga siya ang biktima sang ‘political prosecution’ sang administrasyon, nga ginkontra naman sang Malacañang.
