Nagpagwa sang pahayag si Senator Rodante Marcoleta kasunod sang pagbawi ni retired Marine Master Sergeant Orly Guteza sa iya nauna nga testimonya sa Senate Blue Ribbon Committee angot sa imbestigasyon sa gina-alegar anomaliya sa flood control projects.
Madumduman nga sang Setyembre 25, 2025, nagtestigo si Guteza sa Senado kag ginbuyagyag ang iya ihibalo tuhoy sa pagdeliver sang minaleta nga kwarta kay former House Speaker Martin Romualdez.
Apang sang Agosto 19, ginbawi ni Guteza ang iya statement kag gin-akusaran sanday Marcoleta kag anay Congressman nga si Mike Defensor nga gin-alegar nagsugo sa iya nga pangalanan si Romualdez.
Sa iya nga Facebook statement, ginpanginwala sang senador ang mga alegasyon ni Guteza.
Ginpahayag ni Marcoleta nga mas mapatihan pa nga napilitan si Guteza nga magpirma sa bag-o nga affidavit bangud sa ginsambit nga pamahog sa kabuhi sini kag sang iya pamilya.
Nagpanawagan naman ini nga ipadayunon ang imbestigasyon kag pasabton ang tanan nga nagpangawat sang pondo para sa flood control projects.
