Nagpalupok sang ‘warning shot’ ang Israel military sa mga peacekeepers sang United Nations sa Southern Lebanon kahapon, Nobyembre 16.
Ginpahayag sang United Nations Interim Force in Lebanon (UNIFIL) nga ginpalupokan sang Israeli soldiers ang ila nga mga peacekeeper sa Southern Lebanon samtang nagapatrol ang grupo sa lugar.
Samtang, nag-ako ang Israel military nga sila ang nagpalupok sang “warning shots.”
Gindugang pa sang militar nga “misidentification” ang natabo bangud sa malain nga kondisyon sang panahon.
Suno diri, nasal-an sang Israel military nga peacekeeper ang duha sa El Hamames area kag ulihi na nahibaluan nga mga suldado sang UN United Nations.
Samtang, wala naman sang napilasan sa UN forces.
Ginlaragway sang UN peacekeeping mission ang insidente bilang isa ka “serious violation.”
