Samtang nagamoderno ang panahon madamo naman ang mahimo gamit ang Science.
Sa Shenzhen, China isa ka startup nga kompanya sang bioscience ang nag-anunsyo nga nakahimo ini sang isa ka tableta nga teoritikal nga makapalawig sang kabuhi sang tawo tubtob sa 150 ka tuig.
Suno sa kompaniya nga Lonvi Biosciences, ang ila bag-o nga bulong nagapuntariya sa ginatawag nga “zombie cells.”
Ini ang nagatigulang nga mga cells sa lawas nga wala na nagatunga kundi padayon nga nagatuga sang inflammation.
Dugang pa sini nga ang main nga ingredients sang bulong ang indi lamang nagapalawig sang kabuhi, kundi nagapanubo man sang mga balatian samtang nagatigulang.
Ang nasambit nga bulong ang nabase sa procyanidin C1 (PCC1), isa ka molecule nga makita sa mga liso sang grapes.
Ang PCC1 ang isa man sang rason sa mas malawig nga kabuhi sa mga ilaga.
Sa ila nga pag-eksperimento, ang mga ilaga sa laboratory nga ginhatagan sang ila formulation ang nabuhi 9. 4 pecent nga mas malawig sa kabilugan, kag 6.2 percent nga mas madugay gikan sa una nga adlaw nga pagbulong.
Nagalaom ang pila ka eksperto nga ini nga klase sang teknolohiya mahimo mangin mas kilala sa China samtang nagadamo ang interesado sa pagpadugang sang kabuhi ukon longevity.
